usa ra ang but-an si pastor ra nga milalim na ning kalibutan...

DILI ikalimod nga daghan kaayo ang mga OFW nga natang-tangag trabaho tungod sa worldwide economic crisis nga mitamparos niining kalibutan. Dug’ngan pa sa H1N1virus, halos malup-og na si Juan.
Ang uban natong kaigsoonan nawad-an na usab ug pag-laom. Apan adunay pipila nga nag-padayon sa ilang pag-panlibasog aron imatood nga kining tanan lumalabay lamang.
Apan adunay pipila nga mga pagarpar ug hambog ang mi-pahimulos sa panahon ug nag-himog binoang aron madamay ang uban. Kini sila adunay nakita nga illegal nga kalihukan nga sarang kapahimuslan aron mabuhi ning kalibutan.
Atong nasuta nga daghang karong nga mga kaigsoonan ang milangyaw sa laing nasod ug ang gibuhat mao ang mangelad ubos sa ngalang “job applicant.” Apan kini sila may ‘mudos operande’ nga mao ang mangutang nga dili bayran ug mosibat lang.

BIKTIMA
KAPARIENTEHAN maoy unang biktima niining mga tawhana kay adto man kini “mag-pa cute cute”, “mag-pa looy looy” ug ipadiwalwal ang dila. Apan sa kalit lang sung’gabon ka lamang ug kuniskunison daw samag leon.
Kadaghanan kanila dili maka totok ang mata ug maga-paniplat kon asa ang atong pitaka. Mag-pa “dili dili” kong agdahon mog’kaon, apan sa ending utangan ka dayon. Busa mag-bantay kita.
Kini sila mangangkon nga pariente ka, kong nag-kinahanglan sila. Apan kong makalugar na, awayon ka pa, labinag naka-utang sa ato ug kuarta. Busa higala mag-bantay ka!
Kon aduna silay kuarta kusog mogasto sa ilang bisyo - sugal, inom, burekat, kahilayan, ug hambogero, apan kong ma-hurot na… ikaduhang biktima mga higala. Ang ikatulo mga maid nga gamayg sweldo.

GEJIE USA SA MGA BIKTIMA
USAHAY makaingon ko nga wala gyo’y utang kabubot-on kining uban tang kaigsoonan loyo sa hinabang nga ilang natilawan.
Si Gejie usa ka maloloy-on ug mahinatagon, motabang kinsa kadtong nag-lisod apan kanunayng biktima niining mga mapahimuslanon.
Mipuyo kaniya ang nag-pailang ig-agaw kuno, apan sa takulahaw gitamak-tamakan siya ug gibandelyo nga gekamang syag amerkano.
Namatay ang iyang amahan nga walay parienteng miamuma ug dinhi namugna ang kang Gejie nga pangaleya nga unta kahatagan syag grasya.
Bisan niining tanan, iya gihapong gidawat ang pag-tamay sa mga kanahan ug naningkamot siya hangtod miabot kaniya ang daghang kuarta.

SI BRO EMIT

GINAINGON nga “ang kalisod dili babag sa kalamposan,” lupig pa’y gihapnigan ang gadilaab nga tunok kon ang kagutom kanunay gaatang diha sa iyang tiyan. Apan di lang ang kawad-on ug ang kakuwang sa salapi nga mao’y bugtong gahudlat pagsugat sa kang Emit nga kakha-tuka ug alimpatakan resulta sa druga nga shabu ug marijuana.
Pastilan, maayo unta og matuman ang iyang katuyoan nga makakitag bag-ong ka-trabahoan aron kahatagan ug grasya ang mga nilalang nga iyang gibiyaan. Ang iyang asawa nga murag si Halili Katrina ug mga anak nga morag si batman ug darna. ..hanep noh?
Hinoon mahimong igmat pas manatad kining atong igsoon kay bisan dili qualified iya mang pugson, maong dawaton na lang sya intawon kay ang manager iya mang sumbagon. Mobudlot na lang atong mata apan ang suga dili gyod mosiga, apan sa hinambugay mag-daog ta.
Butbuton raba Ug sayod pod baya ta nga ang mga abog sa utot niining tawhana morag gikan sa tambutso sa mga sakyanan nga sarang nang gikalisangan sa iyang kahambogan. Nag-pasiatab ra ba nga engineer kuno siya, ingon si Elsa.
Wala pa gani labot ini ang pagbaha sa iyang mga sinultihan nga morag anak ni Imelda ug wala pa nato ilakip ang gabahis-bahis niya nga kaisog nga mikapyot sa suwab sa iyang katalawan ug adto sa ngetnget manghagit. Apan sagdi lang kay diskarte kini niya.
Panghinaot lamang nga dili unta gukoron og iro si brother Emit sa iyang pagbahis-bahis ug unta dili usab siya mabulasot ug malamoy sa mga lungag sa kaparutan uban sa iyang mga hinanib.
Kon paminawon nato si brother Emit mora gyod ug si Usit. Usa ra man siguro ang bot-an, niining pamelyaha, si pastor Maning ra man nga milalim na ning kalibutan.
SUSMARIOSEP!