Kapungot bisan sa kabugnaw na sa panahon...

The Cold

Pastilan pagkabugnaw sa panahon! …Ug pag-ka gahi sa katubigan lakip na ang kalagayan namin, mao kini ang gi-agwanta ko kapin sa usa ka buwan diri sa Seattle ug Illinoi, ...ug tungod sa pag-ka gahi, gihidlaw na noon ko sa kainit nga ka-sagarang gihandom natin. Apan diri sa California ug New York, ok lang ang mga kababayan ta. Busy sila, ug ang uban kanila nanie ug care-giver sa punerarya. Ang uban gasoline boys ug pusher sa marijuana, labi na niadtong nag-TNT pa. Ug social ang dating sa mga kuskos kubeta kay naka-attaché case ug naka Hundai na.

Kon pangutan-on nimo bisan kinsang Pinoy labina niadtong mga TNT maka-ingon gyod sila “lupig pa’y gilaming ta sulod sa freezer panahon sa winter,” ug matod pa, ang impyerno dili lang gumikan sa dilaab sa kayo. Kay sa pagkatinuod lang, ispidno sab ang snow. Bitaw, kitang mga Pinoy nga tam-is kaayo ang kolonyal nga pag-handuraw sa tingtugnaw sa Amerika, lagmit makatilaw gyud og tagam, puera lang ang mga “marka bahala na!”
Ug dili malikayan ang takig bisa’g unsaon pa nimo’g bukot ug palaban sa heater ug maayo ni sa mga uwagan sama ni Pureza ug Mayang. Gani usa ka Filipinong doctor ang akusado sa salang rape kay tungod sa katug-naw ug kanunay migahi ang iyaha...susmariosep!

Dili usab lalim kon mogawas ka aron mangeta ug chessmess, kay walay mga lingkuranan gawas sa balay, ug wala diri’y mga sakop ang imbestigador nga gitawag nilag “reporter aw! ..tabi-an.” Kon mag-maniho ka’g sakyanan, pastilan, lupig pa’y wa’y buot (sama sa imbestigador) ang ligid kay di gyud patuo sa imong manibela samtang nasampurado ang kadalanan sa kabaga sa snow. Pastilan, pwerteng lisora pag-lakaw kay gawas nga mokaging ka sa tubig nga natibugok sa hangin, mora pu’g suyopon sa huyong-huyong ang imong mga tunob. Dalin-as pa gyud kaayo diin gikabahong og snow ang agianan.
Bitaw, ang kanindot sa snow kutob ra gyud sa hulag-way! Mora tag-nag-puyo ug palasyo luyo sa impierno. Makapalimbawot pa gyud tan-awon ang kalabera sa mga kakahoyan nga morag gi-puy-an ni Kupyong ug Batman. Pastilan, hait kaayo tan-awon ang ilang mga sanga, nga nag-pangab-ot sa kawad-on sa ilang mga dahon.

Mao nga ang gi-kahinaman ko karon mao ang pag-balik sa yuta kong gipuy-an aron matagamtam ang mga taghoy ni Daloydoy ug sa kalanggaman inubanan sa lunhaw nga huyohoy sa ‘otot ni Susan Kadoy.
Bitaw, makahuloganon pud nga kining panahon sa Amerika, daw samag kapungot batok niadtong mga aw-anon, lebakera, mangengelad, kawatan ug mga chessmusa nga wala mag-lantaw sa mahimong samputanan sa ilang mga binoang.
Dayag na lang nga kini duna’y buot ipasabot, sa nag-hunghong ug nag-paabot og bawos sa atong pamalandong. Labi na karon nga ang kausaban—sa atong bertod ug tagsa-tagsa nato ka kaugalingon, sa atong nasod ilabina sa Naval Biliran nga gipuy-an sa mga tampalasan nga nag-prenda sa mga yuta sa namatay nilang ginikanan—hagbay rang gilumlom ug gilaoman padulong unta sa hingpit nga katumanan sa ilang pag-ka kawatan, apan.
Kay dili malilong nga padayong nag-buntaog ang kabugnaw nga gipakatap pinaagi sa kayugot ni Tarzan ug kakuyaw bunga sa kapit-os ug kakuwang sa kaangayan nga maoy hinung-dan nga na-palit gyod ang machine-gun gikan sa Afghanistan ug Palestinean.
Samtang mang-hagdaw ta’g kahayag sa tinood nga batasan sa mga kahigala-an ug mga kaliwatan, ug maghuwat na usab ako ug hagit sa ilang tinalawang ug hipokritong batasan nga ilang gitagoan sa ilang dughan. Susmariosep!