…dili nako LANGAW

(UPDATED) Oktobre 27 2007, Sabado, nahipugwat ako sa halawom nga pamalandong, human sa paki-pag hurohimangraw ug hisgot-hisgot sa akong mga kahigalaan sa Naval Biliran. Maoy nasingo ko ang kainit sa mga kahinangop didto kanila.

Mitimbakuwas ang akong hunahuna human sa halawom nga pag-hinoktok atubangan sa binohi kong ba-o ug arowana nga maoy nag giya kanako pag-sulat niining mga kataw-anan pinulongan nga akong nahibalo-an pinaagi sa mga sood ko nga kahigalaan.

Ang mga pulong nag-hatag kanako ug laing hagit sa kinabuhi human nahimamat ko pinaagi sa video cam chat sa higala natong si Vic Garcia ug Bernadette ang pinalanga nga kanhe barangay kapitan sa Ylaya.

Nahasiga ang akong mga mata daw samag flash light. Maoy misugat sa akong panan-aw ang pag-kislap sa iyang upaw. Ug milantad kanako si Doro Gonzalez nga nag-bitbit ug mga papel nga daw andam na sa piniliay nga tali-abot.

Human sa hamubong pag hisgot-hisgot ug kahinangop akong nasayran nga business diay sa numero ang gikalingawan sa amego ko nga kanhe barang’gay kapitan. Pastilannn!

May miabot usab nga daw samag hitsura ni Fernando Poe. Gilogod ko ang akong mga mata ug naklaro ko nga si higalang Dylan Granali diay nga higala ta.

KUMUSTA! …Ug human sa mga kurokabildo uban ni igsoong Behot. Nahisum-ok ang among huna-huna sa igsoon kong si Tampalasan nga usa ka board member sa Naval Biliran.

Nakapang lingo-lingo kong naga-palandong sa mga politico dili lamang sa Naval Biliran kong dili sa nasod kong natawhan. Pastilannn!

Kong way uwaw ang mga politiko sa Malakanyang unsa na kaha ang Naval Biliran?

Kong may kawatan sa Malakanyang unsa na kaha sa Naval Biliran?

Gani gipagawas na ang nabilang'gong kawatan nga maoy insulto sa kahukomhukoman.

Nagtuo tawon si higalang Dylan nga usa ka dakong achievement ang politico ug ang kaswal nga trabaho diha sa Naval Biliran. Pastilannn!

Ug maayo pod unta ug ma-board member si higalang Bemboy nga igsoon niya aron may achievement sila? ...O kaha mahimong bantogang columnista si Ben sa Inquirer ni Gloria? ...O kaha mahimong barangay captain siya sa Ylaya? ha ha ha! ...na modaghan ang adik sa kalye caneja.

Hinoon matod niya nga tulo na ka lungsod ang nailad ni Tampalasan ug plano niya nga hutdon kunog ilad ang Biliran island. Ug mipatapsing siyag estorya nga ako rang usa batok sa mga igsoon kong nag-kahiusa ug dato na. Susmariosep!

Gitabangan ako nila kay ako ra man ang way bahin sa gamayng yuta ni Pesyong ug Lucena kay gi-prenda ug gi-magic nianang mangtas sa kalye caneja. Apan gisuwayan ko ni mego Dylan ug intriga kon bogo bako pareho nila.

Maayo ug pagalantawon ni higalang Dylan ang iyang nataran una man-hilabot sa uban. "How can he see straight when he does not even see himself and the darkness he unconciously carries?"

May ginaingon, "anyone who is in bad odour with himself or feel in need of improvement for achievement, anyone who in brief, ...wishes to grow most take council with himself."

Ug miingon sila nga kanus-a ako sa Naval mobiseta! ..ambot sila kon kanus-a ko nila bisitaha kon isog-isog ilang ginhawa.

Midailos lang ang akong pahiyom inubanan ang pag-tagak sa akong sip-on nga nagapalandong kon unsa gayod ang tumong sa maong mga pulong, human nako namatikdi nga bolatik kini.

Mibalik sa akong hunahuna ang mga adlaw sa akong pakig-bisog diin ang akong mga higala kanako mitalikod. "Because they need friends who have only something to give."

Moreover, "some friends are animal! ...but some animals are good friends!"

Ug sayop sila, bisan nag-kagubot kami diha sa kalye caneja wala magutmi ang among pamelya, ug may trabaho nga gi-kaingitan nila. Busa interisado sila nga mag-kagubot kaming mga igsoona aron may mosunod kang Danny Parilla ug ang usa maka uban ni Ampong sa selda. susmariosep!

Ug ako usab nga hidong’gan nga si Glenn nga kawatan gibiyaan sa asawa nga atoa sa Japan. Ug ako nahingawa kay matod pa sa estorya nga vale-dancer na kuno ang iyang asawa, Apan fucktory worker diay sa Okinawa. Na halaaa!!

But "you Hypocrite, first take the plank out of your own eye, and then you will see clearly to remove the speck from your friends eye."

Ug angay ba nga ako kaloy-an, kay ako ra ang nag tikaw-tikaw diri sa nasod nga puerting limpyoha? ...walay business nga shabu ug marijuana?

Mga politico may utok ug may kuarta? ...ug walay kabit nga secretarya?

Mga sweldo igo gyod nga dili magutman ang pamelya? …Ug pinaka safety nga nasod dinhi sa Asia? ...ug kon swertehon, melyon ang sulod sa pitaka?

Ug sa pag labyog sa panahon lakip na ang pag hagtok sa urasan, kining ubos ninyo nga igsoon nahimo jod nga sumsuman sa ilang Granali nga inuman, matod pa sa tig-paniid nga akong gisangonan.

Ug ako nahikatawa sa ilang pangutana, kong ako mo-lala paba. “DILI NA!”
…dili nako LANGAW bisan asa tug-pa.

Morag si Rolando "Ntoy" Borrinaga nga lagong ang tawag nila ug kabog ang tawag nila, kang Pete Borrinaga nga mipanaw na! ..kay gi-bogha sa mga terrorista.
KATAPUSAN